Ամերիկայի Միացյալ Նահանգների նախագահ Ջո Բայդենը մարտի 25-ին Լեհաստանում ասել է, որ ի պատասխան Ուկրաինայի վրա հարձակման Վաշինգթոնը «Ռուսաստանի նկատմամբ սահմանել է պատմության ընթացքում երբևէ ընդունված ամենակոշտ պատժամիջոցները»:
Բայդենը՝ չմանրամասնելով, նշել է, որ առաջիկայում սանկցիաները դեռ կխստացվեն:
Միացյալ Նահանգների ղեկավարը Լեհաստանում այցելել է Ուկրաինայի հետ սահմանի մոտ գտնվող Ռժեշուվ ավան, որտեղ գտնվող մեծ պահեստ է հասցվում մարդասիրական օգնությունը և ռազմական նշանակության բեռն Ուկրաինայի բանակի համար:
Բայդենը Յասիոնկա ավանում հանդիպել է Լեհաստանում տեղակայված ամերիկյան 82-րդ դեսանտային դիվիզիայի զինծառայողների հետ:
Զորամասի ճաշարանում նա զինվորների հետ միասին պիցցա է ճաշակել: Զրույցի ընթացքում Բայդենը նրանց անվանել է «աշխարհի լավագույն զինվորները» և ծառայության համար շնորհակալություն է հայտնել:
