Լուգանսկում կարող է հանրաքվե անցկացվել Ռուսաստանին միանալու հարցով

Loading...

Լուգանսկի «ժողովրդական հանրապետությունում» հնարավոր է մոտ ապագայում հանրաքվե անցկացվի՝ Ռուսաստանի կազմում ներառվելու հարցով։ Այս մասին հայտարարել է Լուգանսկի ղեկավար Լեոնիդ Պասեչնիկը:

«Կարծում եմ, որ առաջիկայում հանրապետության տարածքում կանցկացվի հանրաքվե, որում ժողովուրդը կօգտվի իր բացարձակ սահմանադրական իրավունքից և իր կարծիքը կհայտնի Ռուսաստանի Դաշնությանն անդամակցելու վերաբերյալ։ Չգիտես ինչու, վստահ եմ, որ դա հենց այդպես էլ կլինի»,- ասաց Պասեչնիկը։

Լուգանսկի այսպես կոչված` «ինքնահռչակ ժողովրդական հանրապետությունը» Ռուսաստանի կողմից դեռ 2014 թվականին օկուպացված Ուկրաինայի տարածքի մի մասն է։ Փետրվարի վերջին Ռուսաստանը պաշտոնապես ճանաչեց Դոնեցկի և Լուգանսկի ինքնահռչակ հանրապետությունների անկախությունը և լայնամասշտաբ ներխուժում սկսեց դրանք պաշտպանելու պատրվակով:

Դոնեցկի և Լուգանսկի ինքնահռչակ հանրապետությունները ճանաչելու հրամանագրերը ստորագրելուց առաջ Ռուսաստանի նախագահը հանդես եկավ ընդարձակ տեսաուղերձով, ուր հայտարարեց, թե բոլշևիկների առաջնորդ Լենինն է ստեղծել Ուկրաինան։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button