ԱՄՆ-ն ևս 100 մլն դոլար կհատկացնի Ուկրաինայի ոստիկանության և սահմանապահ ծառայության համար զրահատեխնիկա, սարքավորումներ, բժշկական պարագաներ գնելու համար, ասել է պետքարտուղար Էնթոնի Բլինկենը։
«Լրացուցիչ գումարը թույլ կտա շարունակել տրամադրել պաշտպանական սարքավորումները, դաշտային սարքավորումները, մարտավարական սարքավորումները, դեղամիջոցները, կապի միջոցները Ուկրաինայի սահմանային ծառայությունների և ոստիկանության համար», – ասվում է նրա հայտարարությունում:
Նշվում է, որ այս օգնությունը Ուկրաինայի ՆԳՆ-ին ավելի շատ հնարավորություններ կտա ապահովելու անհրաժեշտ սահմանային անվտանգությունը, իրականացնելու իրավապահ գործառույթներ և պաշտպանելու կարևոր ենթակառուցվածքները։
