Ուկրաինայի արտաքին գործերի նախարար Դմիտրի Կուլեբան, ուկրաինական հեռուստատեսության հարցազրույցում անդրադառնալով ռուս-ուկրաինական բանակցություններին մասնակցող միլիարդատեր Ռոման Աբրամովիչի հնարավոր թունավորման լուրերին, ասել է․ «Ես բոլորին խորհուրդ եմ տալիս, ով պատրաստվում է բանակցել Ռուսաստանի հետ՝ ոչինչ չուտել, չխմել, և ցանկալի է որևէ բանի մակերեսին չշփվել»։
Մամուլը գրել է, որ մարտի սկզբին Աբրամովիչի մոտ թունավորման ախտանշաններ են երևացել, բայց բժշկական հետազոտություն չի անցկացվել, հնարավոր է` դա թունավորում չէր։
