Մարիուպոլի պաշարման 27 օրերի ընթացքում զոհվել է 5 հազար բնակիչ, 170 հազարը մնացել է քաղաքում։
Մարիուպոլի քաղաքապետ Վադիմ Բոյչենկոյի խոսքով՝ պաշարման 27 օրվա ընթացքում քաղաքում մահացել է 5 հազար բնակիչ, այդ թվում՝ 210 երեխա։ Միայն մարտի 16-ին Դրամատիկական թատրոնի ռմբակոծության ժամանակ զոհվել է մոտ 300 մարդ, ովքեր թաքնվել էին նկուղում։
Մարիուպոլում մնում է մոտ 170 հազար բնակիչ․ 140 հազարին հաջողվել է լքել քաղաքը մինչև պաշարումը, ևս 150 հազարին հաջողվել է տարհանել շրջափակված քաղաքից։
Քաղաքի շենքերի 90 տոկոսը վնասված են, 7 հիվանդանոցներից 3-ն ամբողջությամբ ավերվել են, մնացածը մեծ վնաս են կրել։
Մարիուպոլում տիրող իրավիճակը գնալով ավելի է հիշեցնում հումանիտար աղետ։
