Ադրբեջանը Պետդումայի պատգամավոր Դելյագինի դեմ քրեական գործ է հարուցել

Loading...

Ադրբեջանի գլխավոր դատախազությունն այսօր քրեական գործ է հարուցել Ռուսաստանի Պետդումայի պատգամավոր Միխայիլ Դելյագինի դեմ՝ երկրի նավթային ենթակառույցները ռմբակոծելու մասին օրերս հնչեցրած կոչերի համար։

«Ինտերֆաքս Ազերբայջան» գործակալության փոխանցմամբ, Դելյագինը մեղադրվում է Ադրբեջանի քրեական օրենսգրքի երեք՝ ագրեսիվ պատերազմի կոչեր հնչեցնելու, ահաբեկչության, սպառազինության կիրառման սպառնալիքի և ազգային ատելություն սերմանելու հոդվածներով։

Ադրբեջանական դատախազությունը հաղորդում է, որ Բաքվի դատարանը Դելյագինին հեռակա կարգով կալանավորելու և Ինտերպոլի գծով նրա նկատմամբ հետախուզում հայտարարելու որոշում է կայացրել։

Պետդումայի պատգամավոր Դելյագինը Ադրբեջանի նավթային օբյեկտները միջուկային հարվածի միջոցով ոչնչացնելու կոչեր էր հնչեցրել մարտի 28-ի՝ Ռուսաստանի պետական հեռուստատեսության եթերում։ Բացի այդ, Դելյագինը համանման հարցում էր անցկացրել Telegram-ի իր ալիքում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button