Ռուսական զորքերը կենտրոնանում են Իզյումի և Չեռնոբիլի շրջաններում. Ուկրաինայի ԳՇ

Loading...

Ուկրաինայի զինված ուժերի Գլխավոր շտաբի այսօր կեսօրին տարածած հաղորդագրության համաձայն` երկրի հյուսիսում ռուսաստանյան ստորաբաժանումների ակտիվ վերատեղակայում է տեղի ունենում։

«Խարկովից հարավ գտնվող Իզյումի շրջանում Ռուսաստանի զինված ուժերի կազմում գործող 20-րդ համազորային և 1-ին տանկային բանակների ստորաբաժանումների շարժ և կուտակումներ են նկատվում։ Կիևից հյուսիս ռուսական զորքերը ամրացնում են իրենց դիրքերը՝ կուտակվելով Չեռնոբիլի ատոմակայանի մերձակայքում», — հաղորդում է Ուկրաինայի զինված ուժերի Գլխավոր շտաբը։

Կիևի քաղաքապետ Վիտալի Կլիչկոյի խոսքով` ռուսական զորքերը Կիևի մերձակայքից չեն հեռացել։

«Ողջ գիշեր մայրաքաղաքի արվարձաններից պայթյունների ձայներ էին լսվում, ինչը վկայում է, որ այստեղ մարտերը շարունակվում են, մարդիկ շարունակում են զոհվել», — հայտարարում էր Կլիչկոն։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button