Լավրովի պնդմամբ՝ Կիևը բանակցությունների ընթացքում «ըմբռնումով է մոտեցել Դոնբասի և Ղրիմի իրականությանը»

Loading...

Ռուսաստանի և Ուկրաինայի պատվիրակությունների միջև բանակցությունները շարունակվում են առցանց ձևաչափով։

Շաբաթասկզբին Ստամբուլում կայացած բանակցությունների նախորդ փուլի արդյունքներով ուկրաինական կողմը ռուսական կողմին է հանձնել մի փաստաթուղթ, որը կարող է հիմք հանդիսանալ խաղաղության համաձայնագրերի համար։

Ռուսաստանի արտգործնախարար Սերգեյ Լավրովը, այսօր ելույթ ունենալով Հնդկաստանում, հայտարարել է, որ ուկրաինական կողմը «բանակցությունների ընթացքում ըմբռնումով է մոտեցել Դոնբասի և Ղրիմի իրականությանը»։

Ուկրաինայի իշխանությունները բազմիցս հայտարարել են, որ մտադիր չեն որևէ տարածքային զիջման գնալ։ Կիևը, ինչպես հաղորդվում է, առաջարկել է 15 տարով «սառեցնել» Ղրիմի կարգավիճակը և այդ ընթացքում բանակցություններ վարել, Ռուսաստանի կողմից բռնակցված թերակղզու նկատմամբ ինքնիշխանությունից հրաժարվելու մասին խոսք չկա։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button