Կլաար․ Գրիգորյանը և Հաջիևը քննարկել են հայ-ադրբեջանական խնդիրների լայն շրջանակ

Loading...

Հայաստանի Անվտանգության խորհրդի քարտուղարը և Ադրբեջանի նախագահի օգնականը քննարկել են տարածաշրջանի քաղաքական իրավիճակին և անվտանգությանը, ինչպես նաև երկու երկրների հարաբերություններին վերաբերող հարցերի լայն շրջանակ։ Այս մասին հայտարարել է Եվրամիության հատուկ ներկայացուցիչ Տոյվո Կլաարը ադրբեջանական APA գործակալության հետ զրույցում։

Արմեն Գրիգորյանի և Հիքմեթ Հաջիևի հանդիպումը տեղի է ունեցել մարտի 30-ին Բրյուսելում՝ Եվրամիության հարկի տակ: Հանդիպման ավարտին հայ և ադրբեջանցի պաշտոնյաները պայմանավորվել են կրկին հանդիպել առաջիկա շաբաթներին՝ շարունակելու քննարկումները։

Ադրբեջանական լրատվամիջոցը Կլաարին հարցրել է հայ-ադրբեջանական հարաբերությունների կարգավորման ուղղությամբ Բաքվի ներկայացրած 5-կետանոց առաջարկի մասին։

«Եվրամիությունը, ինչպես և միջազգային հանրությունը, ընդգծում է հակամարտության հետ կապված հարցերի համակողմանի լուծման կարևորությունը։ Այդ իմաստով մենք ողջունում ենք այդ ուղղությամբ ցանկացած քայլ», — ասել է Եվրամիության պաշտոնյան։ «Այդուհանդերձ, Եվրամիությունը կարևորում է, որպեսզի այդ քայլերը նպաստեն համակողմանի կարգավորմանը՝ քննարկումների համար բարենպաստ պայմաններում>, — հավելել է Կլաարը։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button