Բլինքենը Փաշինյանի և Ալիևի հետ զրույցներում շեշտել է դեէսկալացիայի անհրաժեշտությունը

Loading...

Հայաստանի և Ադրբեջանի առաջնորդների այսօր նախատեսված բանակցությունների ֆոնին Միացյալ Նահանգների պետքարտուղար Էնթոնի Բլինքենը երեքշաբթի օրը հեռախոսազրույց է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։

Ամերիկյան արտաքին քաղաքականության դեպարտամենտի ղեկավարն ընդգծել է դեէսկալացիայի անհրաժեշտությունը և Միացյալ Նահանգների կողմից օժանդակության պատրաստակամություն է հայտնել, ասվում է հեռախոսազրույցների մասին Պետդեպարտամենտի խոսնակ Նեդ Փրայսի հաղորդագրություններում։

«Պետքարտուղարն ընդգծել է, որ այժմ տարածաշրջանում հետագա էսկալացիայի ժամանակը չէ։ Պետքարտուղարն աջակցություն է հայտնել Հայաստանի և Ադրբեջանի միջև հետագա խաղաղ բանակցություններին, այդ թվում՝ Փաշինյանի և Ալիևի՝ ապրիլի 6-ին նախատեսված հանդիպմանը Եվրոպական խորհրդի նախագահ [Շառլ] Միշելի հետ», — հայտնում է Պետդեպարտամենտը։

Բլինքենը «վերահաստատել է, որ Միացյալ Նահանգները պատրաստ է օժանդակել երկրներին՝ երկկողմ և համախոհ գործընկերների հետ ներգրավմամբ, այդ թվում՝ որպես ԵԱՀԿ Մինսկի խմբի համանախագահ, հասնելու երկարատև համապարփակ խաղաղության», — ասված է Փրայսի հաղորդագրություններում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button