Կրեմլի խոսնակն ընդունել է, որ ռուսները պատերազմում ունեն «նշանակալից կորուստներ»

Loading...

Ռուսաստանի Դաշնության նախագահ Վլադիմիր Պուտինի մամլո խոսնակ Դմիտրի Պեսկովը Sky News բրիտանական հեռուստատեսությանը տված հարցազրույցում ընդունել է, որ ռուսական կողմն Ուկրաինայի պատերազմում «նշանակալից կորուստներ է կրել»:

Բրիտանացիներին տված հարցազրույցում Պեսկովն այնուամենայնիվ կորուստների վերաբերյալ թիվ չի հայտնել:

Նա ասել է, թե Ուկրաինան փոխվել է 2014 թվականի ապօրինի հեղաշրջումից հետո, դառնալով հակառուսական երկիր:

«Ինչ այնտեղ կատարվում էր՝ ուղղված էր Ռուսաստանի դեմ»,- ասել է Կրեմլի խոսնակը:

Պատասխանելով այն հարցին, թե արդյոք նվաստացուցիչ չէ Ռուսաստանի համար այս պատերազմում կորուստների բարձր թիվը, Պեսկովն ասել է, որ լրագրողն ունի «սխալ պատկերացում տեղի ունեցող զարգացումների մասին»:

Մարտի 25-ին Ռուսաստանի պաշտպանության նախարարությունը հայտնել է, որ ռազմական գործողություններում զոհվել է 1351 ռուսաստանցի զինծառայող: Ըստ Մոսկվայի, ուկրաինացիները մոտ 14 հազար մարդ են կորցրել:

Ուկրաինայի պաշտպանության նախարարությունը սեփական կորուստների մասին տվյալներ չի հայտնել, բայց պնդել է, որ ռուսները 18600 մարդ են կորցրել:

Արևմտյան աղբյուրները նշում են, որ ընթացող պատերազմի պայմաններում երկու կողմերի հայտնած թվերը չի կարելի ստուգել և, հետևաբար, դրանք հնարավոր չէ արժանահավատ համարել:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button