Ռուսաստանը շարունակում է հրթիռակոծությունները` թիրախավորելով նաև Ուկրաինայի վառելիքի բազաները

Loading...

Ռուսաստանի պաշտպանության նախարարության մամուլի խոսնակ, գեներալ Իգոր Կոնաշենկովը այսօր ասել է, որ անցած գիշերը ռուսական ուժերը օդային և ծովային տեղակայման սպառազինություններից հրթիռակոծել են Ուկրաինայի բանակի վառելիքի չորս բազաները՝ Նիկոլաևում, Զապորոժիեում, Խարկովում և Չուգուևում։

Ամենօրյա հաղորդագրությունում նա հայտնել են, որ անցած մեկ օրվա ընթացքում թիրախավորվել է ուկրաինական 29 ռազմական օբյեկտ։ Իսկ պատերազմի սկզբից ի վեր, նրա թվարկած տվյալների համաձայն, ոչնչացվել են ուկրաինական բանակի հարյուրավոր օդանավեր, ուղղաթիռներ, անօդաչու թռչող սարքեր, մոտավորապես երկու հազար տանկ ու զրահամեքենա։

Ուկրաինայի Զինված ուժերի այսօր ներկայացրած տվյալների համաձայն՝ պատերազմի սկզբից ի վեր Ուկրաինայում առնվազն 18 հազար 900 ռուսաստանցի զինվոր է զոհվել։ Ոչնչացվել է շուրջ երեք հազար զինտեխնիկա՝ տանկեր, զրահամեքենաներ, օդանավեր, ուղղաթիռներ։

Հակառակորդի կորուստների մասին թե՛ ռուսական, թե՛ ուկրաինական կողմի հայտնած տվյալները պատերազմի պայմաններում անկախ աղբյուրներից հնարավոր չէ ճշտել։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button