Սերգեյ Լավրով. «Բանակցություններն Ուկրաինայի հետ հեշտ չեն ընթանում»

Loading...

Ռուսաստանի արտաքին գերատեսչության ղեկավարը նշել է, որ բանակցություններն Ուկրաինայի հետ դժվար են առաջ գնում: Այդ մասին նա ասել է Հայաստանի արտգործնախարար Արարատ Միրզոյանի հետ համատեղ ասուլիսում:

«Կիսվեցի իմ գործընկեր և բարեկամ Արարատ Միրզոյանի հետ Ռուսաստանի և Ուկրաինայի պատվիրակությունների բանակցային գործընթացի մասին: Դրանք հեշտ չեն ընթանում, բայց մենք ամեն ինչ կանենք, որ բանակցությունների նպատակներն իրականացվեն»,- ասել է Լավրովը:

Նա նշել է նաև, թե Ռուսաստանը կողմ է, որ Բելառուսն ակտիվ դեր կատարի Ուկրաինայի հետ բանակցություններ կազմակերպելու գործում:

«Բելառուսը հրաշալի հարթակ է այդ բանակցությունները շարունակելու համար, թեպետ ամեն ինչ կապված է կողմերի պայմանավորվածություններից, և չի կարելի բացառել, որ տեղի ունենան հանդիպումներ այլ երկրներում»,- ասել է Ռուսաստանի դիվանագիտության ղեկավարը:

Լավրովը համատեղ ասուլիսում նշել է, որ ընդհանուր առմամբ շատ գոհ է Արարատ Միրզոյանի հետ հանդիպման արդյունքներից և շնորհակալություն է հայտնել համագործակցության համար:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button