Զելենսկին առաջարկում է Մեդվեդչուկին փոխանակել ուկրաինացի գերիների հետ

Loading...

Ուկրաինայի նախագահ Վլադիմիր Զելենսկին առաջարկել է Վիկտոր Մեդվեդչուկին փոխանակել ուկրաինացի ռազմագերիների հետ։

«Ես առաջարկում եմ Ռուսաստանի Դաշնությանը փոխանակել [Մեդվեդչուկին] ռուսական գերության մեջ գտնվող մեր տղաների հետ: Ուստի կարևոր է, որ մեր իրավապահ մարմինները և զինվորականները նույնպես դիտարկեն այդ հնարավորությունը»,- ասել է Զելենսկին չորեքշաբթի օրը տեսաուղերձում։

Ուկրաինայի նախագահը երեկ երեկոյան իր Տելեգրամ-ալիքում տեղադրել էր պետական դավաճանության համար մեղադրվող Մեդվեդչուկի լուսանկարը: Զելենսկու փոխանցմամբ՝ Ուկրաինայի անվտանգության ծառայությունը հատուկ գործողություն է անցկացրել ռուսամետ գործչին գտնելու և ձերբակալելու համար:

Մեդվեդչուկը, որին անվանում են «Պուտինի քավորը», տնային կալանքի տակ էր և Ուկրաինա ռուսների ներխուժման առաջին օրը՝ փետրվարի 24-ին, փախուստի էր դիմել: Ուկրաինայում նա մեղադրվում է մի շարք հոդվածներով, 2021 թվականի հոկտեմբերին կոռուպցիային գումարվել է նաև պետական դավաճանության մեղադրանքը:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button