«Ղոդս» ուժերի հրամանատարը վերստին սպառնալիքներ է հնչեցնում Իսրայելի հասցեին

Loading...

Իրանի Իսլամական հեղափոխության պահապանների կորպուսի «Ղոդս» ուժերի հրամանատար Էսմայիլ Քաանին ասել է, որ հարկ եղած դեպքում Իրանն ամենակոշտ միջոցներով պայքարելու է Իսրայելի դեմ:

Մարտ ամսվա ընթացքում Իրանը հրթիռներով հարված է հասցրել Իրաքյան Քրդաստանի մայրաքաղաք Էրբիլին: Թեհրանը հայտարարել է, թե հրթիռների թիրախն Իսրայելի գաղտնի հենակետերն էին: Գրոհը ծրագրվել է որպես պատասխան Սիրիայում Իրանի զինծառայողների սպանությանը:

«Հենց Իսրայելի հանցավոր ռեժիմը ցույց տա իր դեմքը, հենց նրանք ցանկանան խախտել այլոց իրավունքներն աշխարհի որևէ ծայրում՝ իսլամական օրենքը նրանց կպատժի: Մենք գիտենք, թե որտեղ եք դուք, օրինակներից մեկը Էրբիլն էր, շատերը չգիտեին, որ այնտեղ իրենց հարևանությամբ Իսրայելի հետախուզության՝ Մոսադի հենակետն էր»,- ասել է Էսմայիլ Քաանին:

Նրա խոսքով, Իրանն ամենուր սատարելու է «սիոնիստական ռեժիմի դեմ պայքարող ուժերին»:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button