Մոսկվան անպայման կդիմի պատասխան քայլերի այն դեպքում, եթե Շվեդիան և Ֆինլանդիան միանան ՆԱՏՕ-ին

Loading...

Ռուսաստանի նախագահը քննարկելու է ՆԱՏՕ-ին Շվեդիայի և Ֆինլանդիայի հնարավոր անդամակցությանն արձագանքելու մի շարք տարբերակներ այն բանից հետո, երբ հարցի վերաբերյալ առաջարկներ կստանա Պաշտպանության նախարարությունից: Այդ մասին ասել է Կրեմլի խոսնակ Դմիտրի Պեսկովը:

«Երբ մեր արևմտյան սահմանների ամրապնդման ծրագիրը կազմվի՝ նախագահի հետ հատուկ ժողովում կքննարկվեն բոլոր անհրաժեշտ ձեռնարկվելիք միջոցները»,- հայտնել է խոսնակը:

Այդ մեկնաբանությամբ նա հանդես է եկել այն բանից հետո, երբ Պուտինի սերտ զինակիցներից Անվտանգության խորհրդի փոխնախագահ, նախկին նախագահ և նախկին վարչապետ Դմիտրի Մեդվեդևը նախազգուշացրել է, թե Ռուսաստանն անպայման պատասխան քայլերի կդիմի, եթե Շվեդիան և Ֆինլանդիան միանան ՆԱՏՕ-ին:

Ռուսաստանի փոխարտգործնախարար Ալեքսանդր Գրուշկոն ասել է, որ այդ դեպքում Մոսկվան անպայման ստիպված կլինի դիմել սեփական անվտանգությունը և պաշտպանությունը երաշխավորելու քայլերի:

Շվեդիայում և Ֆինլանդիայում Հյուսիասատլանտյան դաշինքին անդամակցելու խնդիրն օրակարգ է մտել Ուկրաինայի վրա Ռուսաստանի հարձակման կապակցությամբ:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button