Ռուբինյանի և Քըլըչի երրորդ հանդիպումը կկայանա Վիեննայում․ Չավուշօղլու

Loading...

Հայ — թուրքական հարաբերությունների կարգավորման համար նշանակված Հայաստանի և Թուրքիայի հատուկ ներկայացուցիչների երրորդ հանդիպումը կկայանա Վիեննայում։ Այս մասին հայտարարել է Թուրքիայի արտգործնախարարը:

Մևլյութ Չավուշօղլուն թուրքական NTV հեռուստաալիքի ուղիղ եթերում Հայաստանին կոչ է արել ավելի համարձակ լինել ու երրորդ երկրում հանդիպումները տեղափոխել Անկարա և Երևան: Նրա խոսքով՝ երբ օրակարգում հարաբերությունների կարգավորման և սահմանների բացման հարցն է, արդեն կարիք չկա երրորդ երկրում հանդիպելու:

«Եթե չեք գալիս Թուրքիայում հանդիպելու, մյուս հարցերում ինչպե՞ս ենք քայլեր անելու», — ասել է Չավուշօղլուն՝ հայտնելով, որ նույնիսկ պատրաստակամություն են հայտնել առաջինը Երևան գալու:

Անցյալ տարեվերջին Երևանն ու Անկարան հարաբերությունները կարգավորելու պատրաստակամություն հայտնեցին, երկուստեք հատուկ ներկայացուցիչներ նշանակեցին։ Հայաստանի Ազգային ժողովի փոխնախագահ Ռուբեն Ռուբինյանի և ԱՄՆ-ում Թուրքիայի նախկին դեսպան Սերդար Քըլըչի առաջին հանդիպումը կայացել է հունվարի 14-ն Մոսկվայում, երկրորդը՝ փետրվարի 24-ին Վիեննայում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button