Աղվան Հովսեփյանի գործն ուղարկվեց դատարան

Loading...

Նախկին գլխավոր դատախազ Աղվան Հովսեփյանին վերաբերող քրեական գործն ուղարկվել է դատարան, հայտնում է Գլխավոր դատախազությունը՝ մանրամասնելով՝ հսկող դատախազն այսօր հաստատել է մեղադրական եզրակացությունը և ըստ էության քննելու համար գործն ուղարկվել է Երևան քաղաքի առաջին ատյանի ընդհանուր իրավասության դատարան:

Բացի այդ, ըստ դատախազության, միջոցներ են ձեռնարկվել Բյուրականում ապօրինի օտարված հողամասերը համայնքին վերադարձնելու ուղղությամբ։

45 տարի շարունակ արդարադատության ոլորտում պետական բարձր պաշտոններ զբաղեցրած Հովսեփյանը մեղադրվում է մի շարք հոդվածներով՝ ձեռնարկատիրական գործունեությանն ապօրինի մասնակցելու, առանձնապես խոշոր չափերով կաշառք ստանալու, փողերի լվացման և այլ արարքների համար։

Օրեր առաջ Հակակոռուպցիոն կոմիտեն հայտնեց, որ նախաքննությունն ավարտվել է, գործը մեղադրական եզրակացությամբ հանձնվել է դատախազին` այն հաստատելու և դատարան ուղարկելու միջնորդությամբ:

Այս գործով 54 անձ է անցնում՝ վկաներ և տուժողներ, որոնց մեծ մասը նախկին գլխավոր դատախազի դեմ ցուցմունքներ են տվել։

Մոտ կես տարի առաջ կալանավորված նախկին գլխավոր դատախազը մեղքը չի ընդունում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button