Բլինքենը վերահաստատում է Ուկրաինային աջակցությունը շարունակելու ԱՄՆ հանձնառությունը

Loading...

Պետքարտուղար Էնթոնի Բլինքենը վերահաստատել է Միացյալ Նահանգների հանձնառությունը՝ շարունակելու ռազմական, տնտեսական և հումանիտար աջակցություն ցուցաբերել Ուկրաինային։

Բլինքենն այդ հարցերը քննարկել է Ուկրաինայի արտգործնախարար Դմիտրի Կուլեբայի հետ հեռախոսազրույցում, ասվում է Պետդեպարտամենտի պաշտոնական ներկայացուցիչ Նեդ Փրայսի հայտարարության մեջ։

Չորեքշաբթի օրը նախագահ Ջո Բայդենը հայտարարեց Կիևին ևս 800 միլիոն դոլարի ռազմական օգնություն տրամադրելու Վաշինգտոնի որոշման մասին։

The New York Times-ի փոխանցմամբ՝ Ուկրաինա են այցելել ԱՄՆ Կոնգրեսի երկու անդամներ:

Մոնտանա նահանգից սենատոր Սթիվ Դեյնսը և Ինդիանայից կոնգրեսական Վիկտորիա Սփարցը եղել են Կիևում և Ուկրաինայի մայրաքաղաքի արվարձաններում, այդ թվում՝ Բուչայում և Բորոդյանկայում։ Ամերիկյան պարբերականի տվյալներով՝ կոնգրեսականները գնացքով Կիև են ժամանել Արևմտյան Ուկրաինայի տարածքից։

Սա ԱՄՆ պաշտոնյաների առաջին այցն է Ուկրաինա պատերազմի սկզբից ի վեր։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button