Ջեն Սաքի. «Ռուսական նոր հրթիռը չի ազդի Ուկրաինայի հարցում Միացյալ Նահանգների դիրքորոշման վրա»

Loading...

Սպիտակ տան մամլո խոսնակ Ջեն Սաքին ապրիլի 20-ին ասել է, թե «Սարմատ» տեսակի նոր միջմայրացամաքային ռուսական հրթիռի փորձարկումը չի կարող որևէ կերպ փոխել Միացյալ Նահանգների դիրքորոշումն Ուկրաինայի հարցում:

Խոսնակի փոխանցմամբ, Վաշինգտոնը որպես նախազգուշացում կամ սպառնալիք չի ընկալում ռուսական ռազմական նոր հրթիռի արձակումը:

«Նրանք {ռուսական կողմը} ռազմավարական հարձակողական սպառազինությունների պայմանագրի պահանջին համաձան մեզ տեղեկացրել են այդ հրթիռի փորձարկման մասին: Պաշտպանության նախարարությունն ավելի վաղ հայտնել է, որ փորձարկումները չի համարում վտանգ Միացյալ Նահանգների կամ դաշնակիցների համար»,- ասել է Սպիտակ տան մամլո պատասխանատուն:

Ջեն Սաքիի խոսքով, «ռուսական հրթիռների փորձարկումների ժամանակը կամ ծավալը չեն կարող փոխել Ուկրաինայի վրա Ռուսաստանի հարձակմանը հակազդելու Միացյալ Նահանգների մոտեցումը»:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button