Netflix-ն առաջին անգամ 2012-ից ի վեր բաժանորդներ է կորցրել

Loading...

Netflix հոսքային մեդիաընկերության բաժնետոմսերի գինն ընդամենը մի քանի ժամում նվազել է 23 տոկոսով, իսկ շուկայական բացարձակ արժեքը՝ 30 միլիարդ ամերիկյան դոլարով։ Դա տեղի է ունեցել նախօրեին ընկերության գործունեությանը վերաբերող միջանկյալ զեկույցի հրապարակումից հետո։

Զեկույցի համաձայն՝ Netflix-ի բաժանորդների թիվը կրճատվել է՝ առաջին անգամ 2012 թվականից ի վեր։

Ըստ ընկերության հրապարակած տվյալների՝ միայն այս տարվա առաջին եռամսյակում Netflix-ը 200 հազար բաժանորդ է կորցրել, չնայած նախորդ տարեվերջին հրապարակված լավատեսական կանխատեսումներին, որոնց համաձայն՝ Netflix-ի բաժանորդների թիվը հաշվետու ժամանակահատվածում պետք է աճեր 2,5 միլիոնով։

Netflix-ի բաժանորդների թվի կտրուկ անկմանը նպաստել է նաև Ռուսաստանում գործունեության դադարեցումը։ Դրա հետևանքով ընկերությունը Ռուսաստանի տարածքում շուրջ 700 հազար բաժանորդ է կորցրել։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button