Լիտվան երկարաձգում է Ուկրաինայի պատերազմի կապակցությամբ սահմանված արտակարգ դրությունը

Loading...

Լիտվայի խորհրդարանը՝ Սեյմն ընդունել է Ուկրաինայի պատերազմի կապակցությամբ սահմանված արտակարգ դրությունը երկարաձգելու որոշում:

Արտակարգ դրության ժամկետը գործել է մինչև ապրիլի 20-ը: Խորհրդարանը 124 կողմ, 0 դեմ և 6 ձեռնպահ քվեների հարաբերակցությամբ որոշել է սահմանել արտակարգ դրություն, որը վաղը կմտնի ուժի մեջ և կգործի մինչև հունիսի 29-ը ներառյալ:

Արտակարգ ռեժիմի մեկօրյա դադարը բացատրվում է տեխնիկական հանգամանքներով, քանի որ Սեյմը պետք է այսօր դեռ քվեարկությամբ հաստատի սահմանադրական երեք լրամշակումներ, ինչն արգելվում է անել արտակարգ դրության պայմաններում:

Ուկրաինայի վրա Ռուսաստանի կատարած հարձակման կապակցությամբ Լիտվայում արտակարգ դրությունն առաջին անգամ ընդունվել է պատերազմի հենց առաջին օրը՝ փետրվարի 24-ին: Մարտի 10-ին այն Սեյմի որոշմամբ երկարաձգվել է մինչև ապրիլի 20-ը:

Արտակարգ դրության հիմնական պահանջները գործում են սահմանամերձ շրջաններում, որտեղ ոստիկաններին տրվել է տրանսպորտային միջոցները և դրանցում գտնվող բեռը զննելու իրավունք: Դրա նպատակը բացահայտել և կանխել զենքի, զինամթերքի և պայթուցիկների, ինչպես նաև ճառագայթող կամ թունավոր և այլ տեսակի վտանգ ներկայացնող նյութերի հնարավոր փոխադրումը:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button