Վլադիմիր Պուտին. «Աշխարհում «Սարմատ»-ի նման հրթիռ չկա և երկար ժամանակ չի լինի»

Loading...

Ռուսաստանը նախօրեին փորձարկել է «Սարմատ» տեսակի նոր միջմայրցամաքային հրթիռ, որը կարող է միջուկային մարտագլխիկներ կրել: Սա այդ տեսակի հրթիռների երկրորդ փորձարկումն է:

Վերլուծաբանների փոխանցմամբ, «Սարմատ»-ի բուն փորձարկումն Արևմուտքի համար անակնկալ չէ, և այստեղ կարևորը դրա համար ընտրված ժամանակն է: Երկու ամիս շարունակվող ռուս — ուկրաինական պատերազմի համատեքստում փորձարկումը դիտվում է որպես հզոր ռազմական կարողության ցուցադրում և նախազգուշացում Արևմուտքին:

«Այս նոր համալիրն ունի բացառիկ տակտիկական և տեխնիկական որակներ և ի զորու է հաղթահարել ամենաարդիական հակաօդային պաշտպանությունը: Աշխարհում նման համակարգեր չկան և դեռ երկար ժամանակ չեն լինի», — ասել է նախագահ Վլադիմիր Պուտինը:

Նրա խոսքով՝ «Սարմատ»-ի գոյությունը հզորացնում է Զինված ուժերի մարտական կարողությունը, երաշխավորում է Ռուսաստանի անվտանգությունն արտաքին սպառնալիքից և «մտածելու տեղիք է տալիս նրանց, ովքեր կատաղի ագրեսիվ հռետորաբանությամբ սպառնում են Ռուսաստանին»:

«Ռոսկոսմոս»-ի ղեկավար Դմիտրի Ռոգոզինն ասել է, որ «Սարմատ»-ի փորձարկումների ավարտից հետո բանակն այս տարվա աշնան ամիսներից կստանա այդ հրթիռները:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button