Ռուսաստանի արդարադատության նախարարությունն ընդլայնել է օտարերկրյա գործակալների ցանկը

Loading...

Ռուսաստանի արդարադատության նախարարությունն ընդլայնել է օտարերկրյա գործակալների ցանկը՝ դրանում ներառելով «Էխո Մոսկվի» ռադիոկայանի նախկին գլխավոր խմբագիր Ալեքսեյ Վենեդիկտովի, հրապարակախոս Ալեքսանդր Նևզորովի, լրագրող Սերգեյ Պարխոմենկոյին, Idel.Realii-ի երկու լրագրողների և մի շարք այլ հանրային անձանց անուններ։

«Օտարերկրյա գործակալ» է ճանաչվել նաև ընդդիմադիր քաղաքական գործիչ Վլադիմիր Կարա-Մուրզան, որն ուրբաթ օրը ձերբակալվել է ռուսական բանակի մասին կեղծիքների գործով։

Օտարերկրյա գործակալների մասին օրենքը իշխանություններին թույլ է տալիս «օտարերկրյա գործակալ» ճանաչել ցանկացած շահույթ չհետապնդող կազմակերպության, որը ֆինանսական միջոցներ է ստանում արտերկրից և իշխանությունների կարծիքով քաղաքական գործունեություն է ծավալում։

Իրավապաշտպանների պնդմամբ՝ օրենքում առկա բացերի շնորհիվ իշխանությունները հետապնդում են իրականացնում անկախ լրատվամիջոցների, կրթության, մշակույթի, առողջապահության և շրջակա միջավայրի ոլորտներում աշխատող կազմակերպությունների նկատմամբ։

Օրենքի առկայության ինը տարիների ընթացքում այն բազմիցս խստացվել է՝ ընդլայնելով իր ազդեցությունը ոչ միայն կազմակերպությունների, այլև անհատների վրա։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button