Ուկրաինան ռուսներին առաջարկում է «Զատկի հրադադար» Մարիուպոլում

Loading...

Ուկրաինան Ռուսաստանին առաջարկում է Մարիուպոլում հաստատել «Զատկի հրադադար»: Ուղղափառները Ռուսաստանում և Ուկրաինայում այսօր նշում են Փրկչի Հարությունը՝ Սուրբ Զատիկը:

Կիևն առաջարկում է քրիստոնեական համերաշխության կանոններով գոնե տոնական օրը դադարեցնել կրակը և Մարիուպոլում գտնվող «Ազովստալ» գործարանի տարածքից մարդասիրական միջանցքով դուրս հանել խաղաղ բնակիչներին ու դիմադրությունը շարունակող ուկրաինացի զինծառայողներին:

Ուկրաինայի նախագահ Վլադիմիր Զելենսկու աշխատակազմի ղեկավար Միխայիլ Պոդոլյակը սոցցանցում գրել է, թե առաջարկում է Ռուսաստանի Դաշնությանը «մտածել հեղինակության վերջին փշրանքների մասին»:

Դրա համար, ըստ Պոդոլյակի, անհրաժեշտ է անել «մարիուպոլյան երեք քայլ»՝ հռչակել «Զատկի հրադարար», բացել մարդասիրական միջանցք, համաձայնել անցկացնել բանակցություններ, որոնք միջոցով կողմերը կփոխանակեն գերիներին:

«Ազովստալ» գործարանը Մարիուպոլում զբաղեցնում է հսկայական տարածք, այդ համալիրի բազմաթիվ լավ ամրացված ստորգետնյա նկուղներում և թաքստոցներում պատսպարվել են ուկրաինական բվանակի և «Ազով» գնդի մեծ թվով զինծառայողներ, ովքեր մերժում են զենքը վայր դնելու պահանջը: Համալիրում կան նաև խաղաղ բնակիչներ:

Ռուսական կողմը պնդում է, որ ուկրաինացիները կարող են միայն հանձնվել, ինչի դեպքում նրանց նկատմամբ կլինի մարդասիրական վերաբերմունք, և վիրավորներն ու հիվանդները բուժօգնություն կստանան:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button