Փաշինյանը շնորհավորել է Մակրոնին, հրավիրել Հայաստան

Loading...

Վարչապետ Նիկոլ Փաշինյանը շնորհավորական նամակ է հղել Էմանյուել Մակրոնին՝ Ֆրանսիայի նախագահական ընտրություններում հաղթանակի և նախագահի պաշտոնում վերընտրվելու կապակցությամբ։

«Ֆրանսիացի ժողովրդի վստահության քվեն նախագահի պաշտոնում նախորդ տարիների Ձեր կատարած ծավալուն աշխատանքի ամենաբարձր գնահատականն է, ինչը վերահաստատում է Ձեր ընտրած քաղաքական ուղեգծի հաջողությունը», — իր ուղերձում ասել է Հայաստանի վարչապետը՝ շեշտելով․ — «Հավատացած եղեք՝ Հայաստանը Ձեր և բարեկամ Ֆրանսիայի կողքին կլինի համատեղ բոլոր մարտահրավերների հաղթահարման գործում»։

Փաշինյանը համոզմունք է հայտնել, որ Մակրոնի վերընտրությունը գալիք հնգամյակի ընթացքում նոր լիցք կհաղորդի հայ-ֆրանսիական հարաբերություններին և հնարավորություն կտա հաջողությամբ շարունակել համաձայնեցված համատեղ ծրագրերը, այդ թվում՝ երկկողմ տնտեսական հարաբերությունների աշխուժացմանն ուղղված ջանքերը։

«Հայաստանը բարձր է գնահատում ԵԱՀԿ Մինսկի խմբի համանախագահի կարգավիճակում Ֆրանսիայի դերակատարումը մեր տարածաշրջանում երկարաժամկետ խաղաղություն հաստատելու հարցում և հույս հայտնում, որ այն շարունակական կլինի նաև Ձեր նախագահության երկրորդ հնգամյակի ընթացքում», — ասել է Հայաստանի վարչապետը՝ «Երևանում հյուրընկալելու սպասումով»՝ կրկին շնորհավորելով Մակրոնին «վստահ հաղթանակի կապակցությամբ՝ մաղթելով ամենայն հաջողություն»։

Ֆրանսիայում երեկ կայացած նախագահական ընտրությունների երկրորդ փուլի նախնական տվյալներով՝ Մակրոնը վերընտրվել է Ֆրանսիայի նախագահ։ Նա վաստակել է քվեների 57.6 տոկոսը, նրա մրցակից ազգայնական Մարին Լը Պենը՝ քվեների՝ 42.4 տոկոսը: Մակրոնը նախագահի պաշտոնը զբաղեցնում է 2017 թվականից: Առաջին ընտրություններում նա կրկին երկրորդ փուլում հաղթել է Լը Պենին։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button