Ալիևն ու Օվերչուկը քննարկել են տարածաշրջանում ճանապարհների վերաբացման խնդիրները

Loading...

Ադրբեջանի նախագահ Իլհամ Ալիևն այսօր ընդունել է Ռուսաստանի փոխվարչապետ Ալեքսեյ Օվերչուկին։ Քննարկվել է ռուս-ադրբեջանական հարաբերություններն ու Հարավային Կովկասի գործընթացները։

Ալիևը համոզմունք է հայտնել, որ Օվերչուկի այցի ընթացքում կքննարկվեն Ռուսաստանի, Ադրբեջանի և Հայաստանի փոխվարչապետերից կազմված եռակողմ աշխատանքային խմբի գործունեությունը՝ առաջին հերթին կապված Հարավային Կովկասում տրանսպորտային և հաղորդակցության ուղիների վերաբացման հետ։

Ալիևը հայտնել է, որ Ադրբեջանի տարածքում անհրաժեշտ 100 կիլոմետր երկաթգծի 60 կիլոմետրը արդեն կառուցվել է, աշխատանքները կավարտվեն 2023-ին։ Նրա խոսքերով՝ ավտոմոբիլային ճանապարհի շինարարությունը ևս Ադրբեջանը կատարում է ժամանակացույցին համապատասխան, բայց Հայաստանը իր տարածքում ճանապարհի կառուցման որևէ աշխատանք չի սկսել։ «Հայաստանը նաև չի ներկայացնում իր տարածքի ճանապարհի կոորդինատները։ Չնայած Ադրբեջանը բազմիցս բարձրացրել է այդ հարցը՝ Հայաստանի կողմից պատասխան չկա»,- ասել է նա։

Նույն դժգոհությունը Ալիևը հայտնել էր նաև անցած շաբաթ ԵՄ հատուկ ներկայացուցիչ Տոյվո Կլաարի հետ Բաքվում կայացած հանդիպմանը։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button