Ընդդիմության այսօրվա տարբեր ակցիաների ընթացքում բերման է ենթարկվել տասը քաղաքացի: Ոստիկանությունից «Ազատությանը» փոխանցեցին՝ բերման ենթարկվածները երեք ժամ անց ազատ են արձակվում։
Իշխանությունների հրաժարականի պահանջով «Հայաստան ոտքի», «Արցախ ոտքի» կոչերով ընդդիմությունն այսօր շարունակեց երեկվանից սկսած փողոցային պայքարը` Երևանում այսօր փողոցներ ու կամուրջներ են փակել, պետական շենքերի առջև ակցիաներ իրականացրել։
