Պաղեստինցի ցուցարարների և իսրայելցի ուժայինների միջև բախումներից ավելի քան չորս տասնյակ մարդ է տուժել

Loading...

Երուսաղեմում պաղեստինցի ցուցարարների և իսրայելցի ուժայինների միջև հերթական բախումների ընթացքում ավելի քան չորս տասնյակ մարդ է տուժել, մեծ մասը հոսպիտալացվել է, հայտնում է պաղեստինյան Կարմիր մահիկի կոմիտեն։

Իսրայելի ոստիկանության տվյալներով՝ անկարգությունները տեղի են ունեցել Ալ-Աքսա մզկիթի տարածքում. «ջարդարարները» քարեր, ճայթուցիկներ են նետել Լացի պատի ուղղությամբ։

AFP-ի թղթակցի փոխանցմամբ, ի պատասխան Իսրայելի անվտանգության ուժերը ռետինե փամփուշտներ և արցունքաբեր գազ են կիրառել։

Իսրայելցիների և պաղեստինցիների միջև լարվածությունը վերջին շրջանում կտրուկ սրվել է, վերջին մի քանի շաբաթների ընթացքում Ալ-Աքսա մզկիթի մոտ բախումների հետևանքով ավելի քան 250 մարդ է տուժել։ Մինչ այդ էլ, մարտ ամսին, 14 իսրայելցիներ մի շարք ահաբեկչությունների զոհ են դարձել։

Հորդանան գետի արևմտյան ափին իսրայելական զորքերի հատուկ գործողությունների հետևանքով տասնյակ պաղեստինցիներ են զոհվել։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button