Այսօր Ադրբեջանի պաշտպանության նախարարությունը հայտնել է Հայաստանի տարածքից գնդակոծության մասին։
«Մայիսի 1-ին, ժամը 13:40-ից 17:45-ը Հայաստանի Զինված ուժերի ստորաբաժանումները պետական սահմանին տեղակայված Բասարկեչարի շրջանի (Վարդենիսի շրջան) դիրքերից կրակ են բացել Քելբաջարի (Քարվաճառի) շրջանի ուղղությամբ»,- ասված է հաղորդագրության մեջ։
Ադրբեջանի պաշտպանության նախարարության տվյալներով՝ ադրբեջանական բանակի ստորաբաժանումները ձեռնարկել են համարժեք պատասխան քայլեր։ Անձնակազմի և տեխնիկայի կորուստներ չկան»,- ասվում է հաղորդագրության մեջ։ Նաև հաղորվում է, որ ներկայումս այս ուղղությամբ իրադրությունը կայուն է։
Հայկական կողմը հերքում է Ադրբեջանի պաշտպանության նախարարության տարածած հաղորդագրությունը։
Նույնաբովանդակ հայտարարություն Ադրբեջանի պաշտպանության նախարարությունը տարածել էր նաև երեկ՝ նշելով, թե ՀՀ ԶՈւ ստորաբաժանումները խոշոր տրամաչափի հրաձգային զինատեսակներից գնդակոծել են հայ-ադրբեջանական սահմանի արևելյան ուղղությամբ տեղակայված ադրբեջանական մարտական դիրքերը։
Հայաստանի պաշտպանության նախարարությունը հերքել էր այս հաղորդումը՝ այն որակելով ապատեղեկատվություն։