Այսօր Երևանում բողոքի ակցիաներից բերման ենթարկվածների թիվը հասել է 40-ի։ Այդ մասին «Ազատությանը» հայտնեցին Ոստիկանության լրատվականից։
Ցուցարարները պարբերաբար փողոցներ են փակում։ Այսօր առավոտյան Երևանում փակվել էր Կիևյան կամուրջը, որոշ ժամանակ անց ոստիկանությունը վերականգնեց երթևեկությունը։
Հայաստանի խորհրդարանական ընդդիմությունը ապրիլի վերջից բողոքի ակցիաներ է իրականացնում իշխանափոխության պահանջով, մայիսի 1-ի հանրահավաքում հայտարարվեց այս շաբաթ բողոքի անհնազանդության ակցիաներ սկսելու մասին։
Անցած երկու օրերին հարյուրավոր մարդիկ են բերման ենթարկվել ոստիկանության բաժիններ։
