Սպիտակ տան խոսնակի պաշտոնը կստանձնի Կարին Ժան-Պիերը

Loading...

Մայիսի 13-ին Միացյալ Նահանգների նախագահի մամլո խոսնակ Ջեն Սաքին կազատի պաշտոնը: Նրան կփոխարինի Սպիտակ տան մամլո վարչության ղեկավարի ավագ տեղակալ Կարին Ժան-Պիերը:

«Կարինն իր հետ կբերի այս աշխատանքի համար այդքան անհրաժեշտ ոչ միայն փորձը, տաղանդն ու բարեխղճությունն, այլև կշարունակի Բայդեն-Հարիս վարչակազմի գործունեության մասին ամերիկացի ժողովրդի անունից պատմելու ավանդությունը»,- հայտարարել է նախագահը:

Ջո Բայդենը նաև երախտագիտությամբ է խոսել առաքելությունն ավարտող Ջեն Սաքիի մասին:

«Ուզում եմ շնորհակալություն հայտնել բարձր պրոֆեսիոնալիզմի և Ջենին հատուկ՝ ամերիկացի ժողովրդի հետ անկեղծ ու հումորով շփվելու ունակության համար»,- ասել է նախագահ Բայդենը:

Ըստ New York Post օրաթերթի և ամերիկյան մի շարք այլ լրատվամիջոցների, Ջեն Սաքին աշխատանքային պայմանագիր է կնքել MSNBC հեռուստաալիքի հետ:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button