Թուրքիայի ՍԴ-ն հաջորդ շաբաթ կքննի Ժողովուրդների դեմոկրատական կուսակցության փակման հարցը

Loading...

Թուրքիայի Սահմանադրական դատարանը հաջորդ շաբաթ կքննի խորհրդարանում ներկայացված Ժողովուրդների դեմոկրատական կուսակցության փակման հարցը: Կուսակցության փակման գործը գլխավոր դատախազությունը հարուցել է 2021 թվականի հունիսին «անջատողական գործունեության և Քրդական բանվորական կուսակցության հետ կապ ունենալու համար»:

Թուրքական լրատվամիջոցների հաղորդմամբ` գործի առնչությամբ նոր ապացույցներ են ներկայացվել դատարան, որոնք քննության արդյունքում կարող են կցվել գործին: Նյութեր են ներկայացվել մասնավորապես կուսակցության նախկին պատգամավորներ Բեհչեթ Յըլդըրըմի և Սեմրա Գյուզելի քրդական զինված շարժման հետ կապի վերաբերյալ:

Սեմրա Գյուզելի գործով որպես ապացույց ներկայացվել են նրա լուսանկարները քուրդ զինյալներից մեկի հետ, որը սպանվել էր Ադըյամանի մերձակայքում թուրքական զինված ուժերի գործողություններից մեկի ժամանակ:

Կուսակցության փակման գործը վարող դատախազը դեռ անցած տարի Սահմանադրական դատարանին միջնորդել է կուսակցության 451 անդամի նկատմամբ քաղաքականությամբ զբաղվելու արգելք սահմանել, 69 կուսակցականի գործողություններն ու ելույթները ներկայացվել են որպես հիմք կուսակցության փակման համար: Եթե դատարանը որոշի փակել կուսակցությունը, ապա այս անձինք հինգ տարի չեն կարողանա քաղաքական գործունեություն ծավալել և անդամակցել այլ կուսակցության:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button