Եվրահանձնաժողովը հունիսին իր կարծիքը կհայտնի Ուկրաինայի ԵՄ անդամակցության հայտի վերաբերյալ

Loading...

Եվրամիության գործադիր մարմինը հաջորդ ամիս իր կարծիքը կհայտնի Ուկրաինայի անդամակցության հայտի վերաբերյալ, ինչը կարևոր քայլ է մինչև 27 անդամ երկրների կողմից հարցի քննարկումը։ Այս մասին երեկ հայտնել է Եվրոպական հանձնաժողովի ղեկավար Ուրսուլա ֆոն դեր Լայենը:

Թվիթերում նա գրել է, որ խոսել է Ուկրաինայի նախագահ Վլադիմիր Զելենսկու հետ և անհամբեր սպասում է Ուկրաինայի անդամակցության հարցաշարի պատասխաններին։

Ավելի վաղ Ստրասբուրգում Եվրախորհրդարանում ֆոն դեր Լայենն ասել էր՝ Եվրոպայի ապագան նաև «Ուկրաինայի ապագան է»։

Ուկրաինային ԵՄ-ին անդամակցության թեկնածուի պաշտոնական կարգավիճակ տալու հարցը որոշելու են դաշինքի անդամները, որոնք հաշվի են առնելու Եվրահանձնաժողովի փորձագիտական խորհրդատվությունը։ Թեկնածու դառնալու դեպքում Ուկրաինան պետք է անցնի Միությանն անդամակցելու բարդ և երկարատև գործընթաց, որը ենթադրում է խիստ ժողովրդավարական և օրենքի գերակայության չափանիշների պահպանում:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button