Կիևի շրջանում գնդակոծության ժամանակ ուկրաինացի լրագրող է սպանվել

Loading...

Ռուսական հրետանու կողմից Կիևի շրջանի Շևչենկովե գյուղի գնդակոծության ժամանակ սպանվել է ուկրաինացի լրագրող Օքսանա Գայդարը։ Այս մասին Ֆեյսբուքում հայտնել է Ուկրաինայի լրագրողների ազգային միության ղեկավար Սերգեյ Տոմիլենկոն։

Վերջինիս խոսքով՝ գնդակոծության հետևանքով մահացել է նաև լրագրողի մայրը։ Գայդարը ամուսնու և ընտանիքի հետ բնակվում էր Մոսկվայում, Ուկրաինա էր վերադարձել պատերազմի ընթացում։

Ուկրաինայում պատերազմի մեկնարկից ի վեր շուրջ երկու տասնյակ տեղացի և արտասահմանցի լրագրողներ են սպանվել։ Ապրիլի 28-ին Կիևում տեղի ունեցած հրթիռակոծության հետևանքով սպանվել է «Ազատություն» ռադիոկայանի ուկրաինական ծառայության թղթակից Վերա Գիրիչը։

Ուկրաինական մայրաքաղաքի վրա հրթիռային հարված է հասցվել ՄԱԿ-ի գլխավոր քարտուղար Անտոնիու Գուտերեշի Կիևում գտնվելու ժամանակ։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button