Հյուսիսային Կորեան հերթական անգամ հրթիռների փորձարկումներ է իրականացրել

Loading...

Հարավային Կորեան Հյուսիսայինին կոչ է անում անհապաղ դադարեցնել սադրանքները: Այդ մասին Հարավային Կորեան հայտարարել է Հյուսիսային Կորեայում հրթիռների հերթական փորձարկման կապակցությամբ:

«Մեր զինվորականներն այսօր կեսօրին արձանագրել են փոքր հեռահարության երեք հրթիռների արձակումներ Հյուսիսային Կորեայի մայրաքաղաք Փհենյանի Սունանի շրջանից»,- հայտարարել է Հարավային Կորեայի զինված ուժերի գլխավոր շտաբի հանրության հետ կապերի հարցով պատասխանատու Կիմ Ջուն-Ռակը:

Նրա խոսքով, Սեուլը Փհենյանի այդ փորձարկումները համարում է սադրանք, որն ուղղված է Կորեական թերակղզու և ամբողջ աշխարհի խաղաղության և կայունության դեմ: Նա կոչ է արել Հյուսիսային Կորեային անհապաղ դադարեցնել փորձարկումները:

Հրթիռներն արձակվել են դեպի արևելք՝ ծովի ուղղությամբ, զարգացրել են ժամում ավելի քան 6 հազար կիլոմետր արագություն, հասել են 90 կիլոմետր բարձրության, անցել են մոտ 360 կիլոմետր և ընկել են ծովը:

Դա այս տարի Հյուսիսային Կորեայի իրականացրած թվով արդեն 16-րդ հրթիռային փորձարկումն է:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button