Եվրատեսիլի մրցույթում հաղթած Kalush Orchestra ուկրաինական երաժշտական խումբը որոշել է մրցանակը ներկայացնել աճուրդի և վաճառքից ստացված գումարը փոխանցել Ուկրաինայի զինված ուժերին:
«Մենք մտադիր ենք վաճառել մրցանակը և փող հավաքել բանակի համար: Հիմա կան շատ մարդիկ, ովքեր ի զորու են մեծ գումարներ տրամադրել Ուկրաինային օգնելու համար, այս մրցանակը կարող է նրանց համար լրացուցիչ խթան դառնալ»,- ասել է խմբի երգիչ Օլեհ Պսիուկը:
Նա այս երգը գրել է պատերազմից առաջ և նվիրել է մորը՝ Ստեֆանիային, սակայն պատերազմի մեկնարկով այն նոր իմաստ է ստացել և վերածվել հակապատերազմական հզոր ուղերձի, իսկ Ստեֆանիա անունը դարձել է ուկրաինուհի մոր հավաքական անվան խորհրդանիշ:
