Ֆրանսիայի նախագահ Էմանյուել Մակրոնն այսօր Ելիսեյան պալատում հանդիպել է երկրի նորանշանակ վարչապետ Էլիզաբեթ Բորնին և նրա նախարարական կաբինետի անդամներին։
Դիմելով կառավարության անդամներին` Մակրոնը կոչ է արել անել հնարավորը Ֆրանսիայի և Եվրոպայի առջև ծառացած նոր մարտահրավերները հաղթահարելու համար։
«Մենք ստիպված ենք գործել աննախադեպ իրավիճակում։ Մենք նոր էինք ուշքի գալիս կորոնավիրուսի համաճարակից հետո, թվում էր անգամ, որ այն անցյալում է։ Եվ հենց այդ պահին պատերազմը վերադարձավ Եվրոպա։ Այժմ թե՛ մեր հանրությունը, թե՛ ողջ մայրցամաքը աննախադեպ մարտահրավերների են բախվում», – հայտարարում էր Մակրոնը։
