Վթարի է ենթարկվել Իրանի ռազմաօդային ուժերի F-7 կործանիչը, որի երկու օդաչուները զոհվել են։
Ավիավթարը տեղի է ունեցել Նաին քաղաքի մոտ ուսումնական վարժանքների ժամանակ։
Պետական ISNA լրատվական գործակալությունը, վկայակոչելով զինվորական պաշտոնյայի հայտարարությունը, նշում է, որ վթարի պատճառը «տեխնիկական խնդիրներն» են, մանրամասներ չեն հաղորդվում:
Սա վերջին ամիսներին Իրանի ռազմաօդային ուժերում երկրորդ ավիաաղետն է։ Փետրվարին էլ կործանվել է F-5 կործանիչ, որը Թեհրանը ձեռք էր բերել ԱՄՆ-ից դեռևս մինչև 1979 թվականի Իսլամական հեղափոխությունը։ F-5-ը վթարի է ենթարկվել Իրանի հյուսիս-արևմուտքում գտնվող Թավրիզ քաղաքի բնակելի թաղամասի դպրոցի մարզադաշտում, զոհվել են երկու օդաչուները և մեկ քաղաքացիական անձ:
