Թուրքիայի նախագահ Ռեջեփ Էրդողանը Ադրբեջանի անկախության օրվա կապակցությամբ շնորհավորական ուղերձ է հղել ադրբեջանցի պաշտոնակցին։
«Անկեղծորեն հավատում եմ, որ մեր համատեղ ջանքերը, օրինակելի համերաշխությունը և անխախտ եղբայրությունը կշարունակեն մնալ մեր տարածաշրջանի խաղաղության, բարգավաճման և կայունության հիմնական գրավականը», – ասվում է Էրդողանի ուղերձում, որը հրապարակված է Ադրբեջանի նախագահի կայքէջում։
«Գոհունակություն եմ զգում, որ մենք ամրապնդել ենք մեր հարաբերությունները, որոնք գտնվում են ամենաբարձր մակարդակի վրա», – շեշտել է Թուրքիայի առաջնորդը։
