Իրավապաշտպանների պնդմամբ՝ Իրանում գաղտնի մահապատժի է ենթարկվել քուրդ ակտիվիստ

Loading...

Իրավապաշտպանները պնդում են, որ Իրանում «գաղտնի» մահապատժի է ենթարկվել քուրդ ակտիվիստ Ֆիրուզ Մուսալուն: Hengaw իրավապաշտպան կազմակերպությունը, որը մշտադիտարկում է իրականացնում արևմտյան Իրանի քրդաբնակ շրջաններում, այսօր հայտարարել է, որ Մուսալուն մահապատժի է ենթարկվել հունիսի 20-ին` Ուրմիայի կենտրոնական բանտում:

Կառույցի տեղեկություններով` Իրանի իշխանությունները մահապատժի մասին տեղյակ չեն պահել անգամ Մուսալուի փաստաբանին և ընտանիքին։

31-ամյա Մուսալուն մահապատժի էր դատապարտել «ընդդիմադիր խմբին անդամակցելու միջոցով Աստծո դեմ պատերազմ մղելու» մեղադրանքով։

Իրանում իրավապաշտպանների վիճակագրության և հրապարակման կենտրոնի՝ HRA-ի տվյալներով, 2021 թվականի հունվարից մինչև դեկտեմբերի 20-ը մահապատժի է ենթարկվել առնվազն 299 մարդ, այդ թվում՝ չորս երեխա։ Կառույցի համաձայն՝ այդ երկրում մահապատիժների ավելի քան 85 տոկոսն իրականացվել է «գաղտնի»։

Amnesty International-ի գնահատականներով՝ Իրանը 2017 թվականից ի վեր գրանցել է մահապատիժների ամենաբարձր թիվը աշխարհում։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button