Իսրայելի խորհրդարանը՝ Կնեսեթը, նախնական համաձայնություն է տվել օրենսդիր մարմնի լուծարմանը:
Դա նշանակում է, որ Իսրայելում 4 տարում տեղի կունենան 5-րդ արտահերթ ընտրությունները:
Ընդ որում, ըստ վերլուծաբանների, նախկին վարչապետ Բենյամին Նեթանյահուն ունի իշխանության վերադառնալու հնարավորություն:
«Մենք երջանիկ ենք, որովհետև տեղի կունենան նոր ընտրություններ, և մենք պետք է հաղթենք»,- ասել է Նեթանյահուի առաջնորդած «Լիկուդ» կուսակցոթյան խմբակցության պատգամավոր Միկի Զոհարը:
Կնեսեթը միաձայն է ընդունել լուծարվելու որոշումը: Նեթանյահուն այսօրվա դրությամբ Իսրայելի ընդդիմության լիդերն է:
Նախօրեին անցկացված հարցախույզի արդյունքների համաձայն, «Լիկուդը» կարող է ազգայնական և կրոնական ուղղադավան ուժերի հետ դաշինք կազմել և մեծամասնություն ստանալ 120-տեսեղանոց Կնեսեթում:
