«Մեծ քսանի» հավաքում Լավրով-Բլինքեն հանդիպում չի նախատեսվում

Ինդոնեզիայում «Մեծ քսանի» նախարարական հավաքում Ռուսաստանի և Միացյալ Նահանգների արտաքին գերատեսչությունների ղեկավարներ Սերգեյ Լավրովի և Էնթոնի Բլինքենի հանդիպում չի լինի: Այդ մասին այսօր ասել է Ռուսաստանի փոխարտգործնախարար Սերգեյ Ռյաբկովը:

«Ոչ, նման բան չի նախատեսվում և չի ծրագրվում»,- պատասխանելով լրագրողների հարցերին՝ ասել է փոխնախարարը, նշելով, որ Ռուսաստանն ընթացիկ հարցերը կարգավորելու համար ունի դեսպանատների խողովակներով աշխատող բավական թվով կապուղիներ:

Սերգեյ Ռյաբկով

«Մեզ մոտ անսովոր իրավիճակ է: Բայց կան այս կամ այն ազդանշանները հասցնելու և գործնական բնույթի հարցեր լուծելու խողովակներ: Կանցնի ժամանակը, գուցե հետո այդ առումով ինչ-որ բան կկանխատեսենք»,- ասել է Ռյաբկովը:

Նախկինում Սերգեյ Լավրովը և Էնթոնի Բլինքենը շատ հաճախ են հանդիպել «Մեծ քսանի» հավաքներում:

2021-ի հավաքում Լավրովը Բլինքենի հետ չի հանդիպել, սակայն զրուցել է ԱՄՆ նախագահ Ջո Բայդենի հետ:

Ռուսաստանի արտաքին գործերի նախարարը մտադիր է մասնակցել Ինդոնեզիայում հուլիսի 7-ից 8-ը գումարվող «Մեծ քսանի» արտգործնախարարների խորհրդաժողովին:

“24 saat”

Bənzər məqalələr

Leave a Reply

Your email address will not be published. Required fields are marked *

Back to top button