Հաջորդ շաբաթ հանդիպեն Մեծ յոթնյակի և ՆԱՏՕ-ի ղեկավարները

Loading...

Մեծ յոթնյակի (G7) և ՆԱՏՕ-ի ղեկավարները կհավաքվեն հաջորդ շաբաթ՝ մշակելու Ռուսաստանի վրա Ուկրաինայում պատերազմի պատճառով ճնշումն ուժեղացնելու նոր ուղիներ, միաժամանակ ընդգծելու իրենց շարունակվող մտահոգությունները Չինաստանի վերաբերյալ, երեկ հայտարարել են ԱՄՆ վարչակազմի բարձրաստիճան պաշտոնյաները:

ԱՄՆ նախագահ Ջո Բայդենը շաբաթ օրը կմեկնի Վաշինգտոնից՝ հանդիպելու Մեծ յոթնյակի երկրների ղեկավարների հետ Գերմանիայի հարավում, հետո կուղևորվի Մադրիդ՝ Հյուսիսատլանտյան դաշինքի գագաթնաժողովին:

Պաշտոնյաների խոսքով՝ Ավստրալիայի, Ճապոնիայի, Հարավային Կորեայի և Նոր Զելանդիայի առաջնորդների ընդգրկումը ՆԱՏՕ-ի գագաթնաժողովում նպատակ ունի ցույց տալ, որ Ուկրաինայում պատերազմը չի շեղել Արևմուտքի ուշադրությունը Չինաստանից։

Ակնկալվում է, որ Մեծ յոթնյակի առաջնորդները կքննարկեն նաև Չինաստանի տնտեսական քայլերը, որը վերջին տարիներին է՛լ ավելի ագրեսիվ է իրեն դրսևորում, ասել է ամերիկյան վարչակազմի պաշտոնյան:

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button