Մոլդովայի նախագահ Մայա Սանդուն այսօր ժամանել է Կիևի մերձակայքում գտնվող Բուչա քաղաք՝ ծանոթանալով այստեղ փետրվար-մարտ ամիսներին՝ ռուսական ուժերի զավթման ընթացքում տեղի ունեցած ողբերգական իրադարձություններին։
«Մոլդովան խոցելի և փխրուն երկիր է, և Ռուսաստանի ներխուժումը Ուկրաինա ևս մեկ անգամ վկայեց, որ վտանգը չի վերացել», – նշել է Սանդուն։
Մոլդովայի նախագահի խոսքով՝ Ուկրաինայի դեմ սանձազերծված պատերազմը վկայեց, որ պետք է անել հնարավորը՝ ինքնիշխան պետություններ ներխուժող երկրներին զսպելու համար։
