Միացյալ Նահանգները մտադիր է մեծացնել ռազմական ներկայությունը Եվրոպայում՝ Ռուսաստանի կողմից բխող սպառնալիքների պատճառով: Այս մասին հայտարարել է նախագահ Ջո Բայդենը:
Սպիտակ տան ղեկավարի խոսքով՝ ամերիկյան կառավարությունը պլանավորում է Իսպանիայում տեղակայված կործանիչների թիվը 4-ից հասցնել 6-ի, Գերմանիայում և Իտալիայում ուժեղացնել ամերիկյան հակաօդային պաշտպանությունը, Մեծ Բրիտանիա ուղարկել F-35 ռազմական ինքնաթիռների երկու լրացուցիչ էսկադրիլիա, Լեհաստանում տեղակայել 5-րդ բանակի մշտական շտաբը:
