«Չենք ստացել հստակ պարզաբանում, թե ինչու է Ադրբեջանը հետաձգել Հիքմեթ Հաջիևի հետ հանդիպումը», – լրագրողների հետ զրույցում հայտարարեց Հայաստանի անվտանգության խորհրդի քարտուղար Արմեն Գրիգորյանը:
«Նախատեսված էր 27-28-ին, դրանից առաջ էլ ունեինք պայմանավորված օր, բայց դրանք հետաձգվեցին, դեռևս հայտնի չէ հստակ պատճառներ, թե ինչում է Ադրբեջանը հետաձգել», – ընդգծեց Գրիգորյանը:
Անվտանգության խորհրդի քարտուղարը նշեց`տեղեկություններ ունի, որ հանդիպումը հնարավոր է լինի առաջիկայում:
Այն, որ ադրբեջանական կողմը չեղարկել էր Բրյուսելում նախատեսված Գրիգորյան-Հաջիև հանդիպումը հունիսի 27-ի առցանց ասուլիսի ժամանակ հայտնել էր Հայաստանի վարչապետ Նիկոլ Փաշինյանը՝ հիշեցնելով, որ Անվտանգության խորհրդի քարտուղար Արմեն Գրիգորյանի և Ադրբեջանի նախագահի խորհրդական Հիքմեթ Հաջիևի միջև հանդիպումներ ավելի վաղ եղել են։
Հայաստանի անվտանգության խորհրդի քարտուղարի և Ադրբեջանի նախագահի օգնականի վերջին հանդիպումը տեղի է ունեցել մայիսի 3-ին՝ Բրյուսելում:
