Առնվազն 5 մարդ է զոհվել ևս 44-ը վիրավորվել են Իրանի հարավում այսօր վաղ առավոտյան տեղի ունեցած երկրաշարժի հետևանքով։ Վնասվել են բնակելի տներ ու շինություններ։ Մարդիկ դուրս են եկել փողոցներ, քանի որ հետցնցումները շարունակվել են։
Երկրաշարժի էպիկենտրոնը Հորմոզգան նահանգում է, որը մայրաքաղաք Թեհրանից գտնվում է հազար կիլոմետր հեռավորության վրա։
Ավելի քան 6 բալլ ուժգնությամբ երկրաշարժը զգացվել է նաև հարևան երկրներում։
