Բարձրագույն դատական խորհրդի նախագահի պարտականությունները կկատարի Սերգեյ Չիչոյանը: Այս մասին հայտնում է կառույցի խոսնակը:
Նրա հաղորդմամբ` ԲԴԽ-ում այսօր տեղի է ունեցել քվեարկություն, որի արդյունքներով խորհրդի նախագահ չի ընտրվել:
Օրենքով սահմանում է, որ Բարձրագույն խորհրդի նախագահի պարտականությունները կատարի խորհրդի տարիքով ավագ անդամը:
ԲԴԽ տարիքով ավագ անդամ Ստեփան Միքայելյանը հրաժարականի դիմում է ներկայացրել ավագության սկզբունքով պարտականությունները կատարելուց:
Այսօր ավելի վաղ դադարեցվել էին ԲԴԽ անդամ Գագիկ Ջհանգիրյանի լիազորությունները, նա նախագահի պաշտոնակատարն էր: