Երեկ Շվեդիան և Ֆինլանդիան մեկ փուլով ավարտեցին ՆԱՏՕ-ին միանալու պաշտոնական բանակցությունները: Այսօր ՆԱՏՕ-ի կենտրոնակայանում կստորագրվի անդամակցության համաձայնագիրը։ Այս մասին հայտնում է ՆԱՏՕ-ի պաշտոնական կայքը։
Որպեսզի Ֆինլանդիան և Շվեդիան պաշտոնապես միանան դաշինքին, պայմանագիրը պետք է վավերացնեն այդ երկու սկանդինավյան երկրների խորհրդարանները, ինչպես նաև 30 երկրների խորհրդարանները, որոնք այժմ ՆԱՏՕ-ի անդամ են:
Ավանդաբար չեզոք երկու հյուսիսային երկրները հայտարարել են ռազմաքաղաքական դաշինքի անդամ դառնալու իրենց ցանկության մասին Ուկրաինա Ռուսաստանի ռազմական ներխուժումից հետո։
Ֆինլանդիան և Շվեդիան միաժամանակ դիմել են ՆԱՏՕ-ին անդամակցելու համար՝ ասելով, որ Եվրոպայում ռուսական ագրեսիայի պայմաններում վախենում են իրենց անվտանգության համար:
ՆԱՏՕ-ի գլխավոր քարտուղար Յենս Ստոլտենբերգը և ԱՄՆ նախագահ Ջո Բայդենը խոստացել են արագացնել ՆԱՏՕ-ին անդամակցելու գործընթացը։
ՆԱՏՕ-ի անդամ Թուրքիան դեմ էր Ֆինլանդիայի և Շվեդիայի անդամակցությանը, հիմնականում դժգոհ լինելով նրանից, որ այդ երկրները չեն արտահանձնում Թուրքիայի քաղաքացիներին, որոնց Անկարան համարում է ահաբեկչության մեջ ներգրավված:
Հունիսի 28-ին, սակայն, Մադրիդում, ՆԱՏՕ-ի գագաթնաժողովում, երկրներին հաջողվեց համաձայնության գալ։
